بتوقٍ رَقِبت عَيناي أنامِلك............برقهٍ تلمسينَ الفنجانَ بِأِظافِرك
تتشاركُ قهوةَ فِنجانك ............... تتقاسمةُ شَفتِيك وإبهامك
من عبقَِ البنِِ اِنطبقت عِينَاك ....................لَما طالَ عَبيرُة انفاك
لجمالكِ أوتشربينَ القهوةَ............ من شوقي شربتُها في شَهوة
لربما قهوتك سُكَرهَا سادة............. مَستها شفتيكِ فَصارَت زيادة
أَتوقُ لقهوة فِنجانك....................... اةٍ لو اليَ بِعنوانك
أنهيتَ قهوتكِ ورحلتِ في استعجال............. وانا قابع اُحملق في الفنجال
تتشاركُ قهوةَ فِنجانك ............... تتقاسمةُ شَفتِيك وإبهامك
من عبقَِ البنِِ اِنطبقت عِينَاك ....................لَما طالَ عَبيرُة انفاك
لجمالكِ أوتشربينَ القهوةَ............ من شوقي شربتُها في شَهوة
لربما قهوتك سُكَرهَا سادة............. مَستها شفتيكِ فَصارَت زيادة
أَتوقُ لقهوة فِنجانك....................... اةٍ لو اليَ بِعنوانك
أنهيتَ قهوتكِ ورحلتِ في استعجال............. وانا قابع اُحملق في الفنجال
هناك 30 تعليقًا:
لربما قهوتك سكرها سادة
مستها شفتيك فصارت زيادة
جميلة اوى مشاعرك الرقيقة
تحياااااااااتى
موج البحر
شكراً لك
كل عام وانتِ بخير
كلام جميل و رائع
بس انا عايز من البن بتاع القهوة دى
لانى كيييف قهوة اوى
بجد فرحان لانى لقيت مدونة تانية باسم الحصان
لانى مدونتى اسمها بيجاسوس المصرى
و البيجاسوس هو الحصان الاسطورى المجنح طبعا
كل سنة وانت طيب
تحياتى
Iron Cobra
jet
قبل الاسود المقصود بها الاسود الفاحم
تحياتي
_____________________________
اة طبعا البيجاسوس هوة الحصان المجنح عند الأغريق بس هوة في الاساطير عندهم حصان ابيض
هنـــــــــــاك فـــــــــرق
الحقيقة الابيات دي كتبتها وانا في زيارة لمدونة رقيقة اسمها "القهوة العالية" ممكن تلاقي اللينك بتاعتها عاليمين اول واحدة فوق
وصاحبتها الحقيقة مرهفة الحس واشعارها راااائعه
حابعتلك نص كيلو بن عالمدونة بتاعتك بعد العيد
كل عام وانتم طيبين
بتفكرنى بأغنية مع الجريدة لماجدة الرومى
بس ايه دة انت رومانسى والا ايه
ياريت انا كمان نص كيلو وحياتك
وقبل العيد
كل سنة وانت طيب
لربما قهوتك سُكَرهَا سادة............. مَستها شفتيكِ فَصارَت زيادة
جميله اوى
وانا قابع اُحملق في الفنجال
ده الطبيعى امال هتعمل ايه ماهيا مشيت ومسبتش غير الفنجال
تحياتى اليك
وكل سنه وانت طيب
Iron Cobra
حسيت ان الاسم يكون طويل قوي لو خليتة بالعربي "يوميات الحصان الأسود الفاحم" فإكتفيت بالحصان الأسود
لأ خالص ماجاش في بالي موضوع المتسلل ومقتنص الفوز
والحقيقة انا باستخدم الاسم الانجليزي في الياهوو منذ سنوات عدة
ولذا تركتة كما هو و عربتة بالحان الاسود كأسم للمدونة وبالأخص ان
Blackhorse.blogspot
كان محجوز بالفعل
تحياتي لك وشكرا لإهتمامك
_________________________________
أميرة ويلز
أة فعلا تصدقي شبة اغنية ماجدة الرومي
إزاي ماخدتش بالي من الشبة
بس والله مش مقصود ولا اقتباس
ساعات الرومانسية بتنقح علي, معندكيش علاج يا أختي
لك ربع كيلو بن انتي كمان
شكرا لمداخلتك واهتمام
_________________________________
سارة
مش عارف انا ملاحظ ان كلكم عاجبكم البيت بتاع شفايفها اللي زي السكر وحلت القهوة السادة
مع انة بصراحه ماكانش عاجبني واكنت بافكر اغير فية لأني حسيت انة عبيط شوية وموضوع مستهلك كوميدياً
اقولك بصراحه فية تعبيرات في القصيدة انا كنت مركز فيها وكنت حاسس بمعناها قوي وكنت متوقع ان احساس من يقرأها يكون عالي
مثلا:
بتوقٍ رَقِبت عَيناي أنامِلك............برقهٍ تلمسينَ الفنجانَ بِأِظافِرك
انا شايف ان فية كناية عالية عن رقتها وانوثتها في طريقة مسكها للفنجان باطراف اناملها حتى تكاد تشعر انها تكاد تلمسة بأطراف أظافرها
و
تتشاركُ قهوةَ فِنجانك ............... تتقاسمةُ شَفتِيك وإبهامك
حركة مسكها للفنجان بإبهامها وتوازنةو لمسة لشفتيها كما لو ان القهوة تشارك الفنجان كما الشفتين والأبهام تتقاسمان مسك الفنجان و لمسة
فيها رقة و عذوبة في مس الفنجان لشفتيها برقة
و
من عبقَِ البنِِ اِنطبقت عِينَاك ....................لَما طالَ عَبيرُة انفاك
كناية عن احساسها ومدى تذوقها لرائحة البن عندما تقرب الفنجان و تطال رائحة البن انفها فتغمض عينيها تتخيل رائحة البن المعبق ومدي احساسها بهاكأنما يبعث على الدوار من قوة الرائحه فتغمض عينيها
وأخيرا
أنهيتَ قهوتكِ ورحلتِ في استعجال............. وانا قابع اُحملق في الفنجال
هنا بقى يبان الموضوع ونهايتة ان الكاتب لا يعرفها ولا يجالسها اصلا
وانما هو ضيف اخر في نفس المكان اصيب بحالة من الشجن لرؤياها وهي تشرب قهوتها برقة فملكت لبه وعاش بخيالة لحظات سابحاً معها في الاحلام
وأفاق في النهاية انها انهت قهوتها على عجل وغادرت المكان
ولم تشعر بة اصلا ولم تنتبة الية
وبقى هو محدقا في الفنجال الفارغ على الطاولة
كما شبهت الاخت بأغنية ماجدة الرومي ولو انني لم انتبة فعلا للشبة الا الآن
كل سنة وانتم جميعا طيبين وسنة سعيدة علنا جميعا إنشاء الله
فعلا سعيد جداً بتعليقكم وإهتمامكم
انا برضه قلت اول ا قريت البوست دة انك دخلت مدونة القهو العالية
حاكم انا عارفاك مش ليك في الكلام دة
ههههههههه
بس كلام رائع بجد
خصوصا البيتين دول
لجمالكِ أوتشربينَ القهوةَ............ من شوقي شربتُها في شَهوة
لربما قهوتك سُكَرهَا سادة............. مَستها شفتيكِ فَصارَت زيادة
كل سنة وانت طيب يا حصان
ويارب يريح قلبك وتلاقي اللي انت عايزه يارب
سمراء النيل
انا فعلا كنت في مدونة القهوة العالية بتاعه الاخت الرقيقة موون ستون
زي ما انا نوهت انى كنت فيها وقت ما كتبت الاشعار, لكن هذا لا يعني انني اقتبستها او نقلتها عنها, وبالامكان مراجعه مدونتها الرقيقة
الموضوع ببساطة انني دخلت لمدونتها وقرأت اشعارها واصبت بحالة روحية من الشجن و تخيلت نفسي في قهوتها ارقب الجالسين بها يتجرعون مرارة قهوتها
فكتبت تلك القصيدة
وبعدين بيا سمراء يا سمرمر يا سمرمورة انا ماليش في كلام اية بالضبط
الشعر وللا القهوة وللا احاسيس ومشاعر وللا اية ؟؟
صباح التريقة يا سمراء,..... ياللا بقى روحي استحمي حمومة العيد الكبير بقى وعليك بالكلور والمبيضات,... عاوزين نسميكي بيضاء النيل بعد العيد
ليكي عندي ربع كيلو بن وصاية لو ليكي في القهوة والكلام دة
وكل سنة وانتي طيبة
تحياتي
القهوة سحرها عجيب على ناس كتير
ولو انى مش بشربها
بس بيعجبنى تأثيرها على الناس
و خاصة بقى مع حد بنحبه
القهوة و حد بنحبه
جميلة اوى
تحياتى
كلمات رائعة والأكيد لمحبوبة اروع
تحياتي وبتمنالك التوفيق مع السنة الجديدة وكل عام وانت بخير ينعاد عليك العيد بالسعادة والصحة والسلامة يارب
تحياتي
أيه ده في أيه !؟؟ أيه التهريج ده يعني أيه الكلام ده لصاحبه مدونه القهوه العاليه ! انت في بينك و بينها معرفه اصلا ؟ مش فاهم
كراكيب
أية انت اللي فية اية؟؟؟
هوة اية اللي تهريج ؟؟
مين قال ان الكلام عنهاوللا ليها ولا موجه ليها اصلا
أولا:أقرا وأفهم كويس اللي مكتوب الأول
ثانيا : انت اللي مالك اصلا؟؟معرفة وللا غير معرفة فاهم وللا مش فاهم مانتاش محامي عنها ولا ولي علينا من الاساس
تصدق اني مش قلتلك كل سنة وانت طيب
اسكت مش هيغيروا اسمي بس مش هيبقي زرقاء النيل
ممكن اكون فوشية النيل
او تركوازي كدة يعني
ومش تخاف مش هخرج من بيتنا
من خاف سلم يا عم
هههههههه
جامده اوى الاخت بتاعه القهوه دى اكيد لانها خلتك بعد مامشيت قاعد تبحلق فى فنجان
بس الشعر ده لذيذ مووت
دانا كدا بقى شامه ريحه القهوه الحلوه دى
الا قولى هى ساده ولا محوجه
تحياتى على الاسلوب الرقيق وعارف فعلا بتفكرنى الاغنيه بتاعه مع الجريده بس بشكل معكوس
كل سنه وانت طيب
الأول كل سنة و انت طيب يا عم الحصان نقول الأسمر بلاش الأسود
التاني: بصراحة عجبتنى جدا
و يا ريت بقى كنتت خليتها كركديه و لا ينسون او حتى شاى أسود او أخضر مش فارقة لأنى مش بحب القهوة خالص؛ رغم إن فيه ناس بتموت فيها
أيمن باشا فاروق
نورتنا بجد واسعدتنا زيارتك
تحياتي لك ولشهد وربنا يحقق ليكم كل امانيكم و يجعل عام 2007 عام سعيد علينا وعليكم يا رب آمين
__________________________________
صفراء النيل
(صفراء طبعا علشان سماوية وماعديدتش عليا ولا حتى بكلمة)
وانتي طيبة يا ستي
تو مافتكرتي ؟؟؟؟
قالوها زمان بعد العيد مافيش كحك هااااه ابقى شوفي مين يديكي عيديات تاني يا بنت
احسن تفضلي في بيتكم لسببين اولا موضوع الدبح وثانيا اخر موضة العصر في تحرشات الاعياد
ماتعديش من وسط البلد يا بنت الا لما ييجي فبراير
كل سنة وانتي طيبة يا لاعبة كرة الريشة يا ريشة
__________________________________
شيكولاتاية
شكرا ليكي,وكل سنة وانتي طيبة وبخير وصحه وسعادة يارب
انما مش فاهم اية حكاية جامدة وللا طرية دي ههههه
البن محوج وتما التمام على فكرة لو انتي كييفة قهوة تعرفي احسن مكان تشربي فية فنجان بن عجب
ماريوت بيكري لية فروع في سور نادي الزمالك فالمهندسين و في شارع 9 في المعادي و جنب بيتروجيت اللي بعد السندباد وفرع جنبي في عباس العقاد جنب مؤمن
مش دعاية ليهم بس فعلا القهوة عندهم تمام التمام والبن اخر مزاج
كل سنة وانتي طيبة و ربنا يكرمك يارب وماتلاقيش ولا باكو شيكولاتة فاضي في 2007
________________________________
egytos
وانت طيب وبخير وصحه وعافية
وعندك شيشة كريز و واحد عناب متلج للباشا اللي في اخر ترابيزة
كل سنة وانت طيب وبخير وصحه وعافية وسعاده يارب
شيماء وليندا
بجد سعيد جداً جداً جداً بتشريفكم انا و في غاية الأسف لتأخري في الردعليكم
وكل سنة وانتم طيبين و يارب يكون
عام 2007 عام سعيد عليكم وتحققوا فية كل امانيكم واحلامكم
وتلاقوا اللي تحبوة ويحبكم ويشرب معاكم قهوة عال العال في القهوة العالية
وتشوفوا تأثير القهوة علية و على كلامة
بس اوعوة تسيبوة يبحلق في الفنجان وتمشوا
تحياتي كثيرة لكم
Tanti Augori a Te
:o)
u can nicely explain ad show ur feeling ya ostaz Jet Black Hourse...
Thanks for passing by my humble blog
oh, thank you Ostaza Reham for your nice and encouraging words,
Wishing a real Happy and Prosperous New Year 2007 to you ad your family.
Ciao.
ايه جماله ده
شكلنا هنحملق في الفنجان كتير
مرسي علي شعرك الجميل
loved the poem, loved the dancing Santa
and totally hated the "women r creatures from hell" banner.
thx 4 passing by my blog.
i'm kinda wondering how did u find it.
وله نهايه
يا سيدي لا تحملق في الفنجان ولا حاجة اتفضل فنجان قهوة معتبر على خساب صاخب المخل
شكرا لمرورك وتعليقك
__________________________
Still Breathing
loved your blog, loved your comment, and totally hated that women don't confiss the reality of truth
:)
thanks for your concern and comment, i guess i followed your profile through your comment at one of the blogs i pass by, and reached your blog.
Best Regards.
جميلة جدا و عجبتني جدا جدا جدا
يمكن في الاول قريتها علشان انا من الناس اللي بتحب القهوة جدا و ليها سحر رهيب عليا بس مش القهوة بس اللي حلوة دي كمان الكلمات طلعت حلوة وبتدل أكيد علي رقة اللي كتبها
Dyin_Soul
أكيد ان الأرق هو من مست قلبة الكلمات و اصاب الشجن نفسة
كثير ممن يمرون عابرون يقرأون ولا يحسون
وقليلون هم من تستوقفهم الكلمات و تؤثر في نفوسهم و تثير مشاعرهم
هؤلاء هم المحظوظون بتلك الأرواح الرقيقة التي يحوزونها
هنيئاً لكِ مشاعرك الرهيفة و حسك المرهف
تشرفنا بزيارتك ورقة مشاعرك
رقيقه جدا
و نهايتها الغير متوقعه اذهلتنى
و لمستنى
داليا
ميرسي
الفضل لرقة مشاعرك و حساسيتك
فهم ما يجعلك ترين الرقة والجمال بينما يمر علية الاخرون ولا يرون بة شيئاً
تحياتي
عارف احلى ما في الحب تلك الحالة التي تجعل من كل الاشياء البسيطة والاعتيادية معجزات قادرة على تغيير مسار الكون
قهوتك اعجبتني
تحياتي
هدى
فعلا من يحب يرى في لمسات حبيبة معجزات
و يرى اي تصرفات او حركات طبيعية يقوم بها ان لها معاني كثيرة
ويركز في كل الحركات الاعتيادية كأنها لغة مختلفة عن لغات البشر
هوة دة الحب
شرفتي المدونة بزيارتك
تحياتي
طبعاً أثبت الملك الأنسانية ملك القلوب خادم الحرمين الشريفين أطال الله عمــره وبقائه لهذالدوله المملكة العربية السعوديه .بأنه ملك القلوب حقاً
إرسال تعليق