خير بداية الاستهلال بإسم الله العلي القدير
اولا احب ارحب بيكم جميعا في مدونتي المتواضعة اللي هيه نافذة للمناقشة والرأي والفضفضة
وحيث اني جديد في موضوع المدونات يعني انا بس اول مرة ادخل مدونة كانت من حوالي شهر بس الموضوع عجبني وبعد ما كتبت في مدونات الكثيرين من الاخوة فكرت اني اعمل مدونة متواضعه وان شاء الله حاحاول انقل اللي انا كتبتة في مدونات الاخوة الزملاء و اجمعه هنا
مرة تانية اهلا بيكم نورتونا وأنسوتنا
اولا احب ارحب بيكم جميعا في مدونتي المتواضعة اللي هيه نافذة للمناقشة والرأي والفضفضة
وحيث اني جديد في موضوع المدونات يعني انا بس اول مرة ادخل مدونة كانت من حوالي شهر بس الموضوع عجبني وبعد ما كتبت في مدونات الكثيرين من الاخوة فكرت اني اعمل مدونة متواضعه وان شاء الله حاحاول انقل اللي انا كتبتة في مدونات الاخوة الزملاء و اجمعه هنا
مرة تانية اهلا بيكم نورتونا وأنسوتنا
هناك 7 تعليقات:
الله يخليك يا عم حصان...ايه الحلاوة دي ....اهو انا اول وحدة ترد عليك اهوووووو....منور البلوجر واهلا بيك ويا ريت تدعيلي اناكمان اقدر اكتب حاجة في مدونتي.....
السندريللا الحائرة
سبحان اللي انا لسة كنت باقرا تعليقك على مدونة "عايزة اتجوز" برايد الجميلة
القلوب عند بعضها ههههه
انتي بجد نورتي مدونتي المتواضعه واتمنى دايما اسمع منك واشوف تعليقاتك الجميلة البناءة منورة في مدونتي قبل مدونة غيري
الا قوليلي انتي تقربي لسعاد حسني السندريللا الاصلية ؟؟
هههههههه
اه والله القلوب عند بعتييييييييييها يا خويا...انشاء الله مش حتكون اخر مرة ..منتة دخلتي مزاجي من اوسع ابوابو بقة...نعمل ايييه...
طبعا يسعدني اقرا كتاباتك ونبقة على تواصل دايما....
اما عن قرابتي لالسندريلا سوسو....فيسعدني ويشرفني ان اقلك اني بنت اخت جوز بنت خالت حما ولد عم خالها لي مات لسة قريب....يعني احنا عيلة متمسكة اوي والله ...شفتي الصدف...
اييييييه دنيااااااااااا
وشي احمر ومكسوف موت من حكاية
" ..منتة دخلتي مزاجي من اوسع ابوابو بقة" يابنتي دة غزل صريح وللا اعتبرة تحرش
هههههههههههههه
الا صحيح انتي مدونتك فاضية لية ؟؟ مش تكتبي فيها اي خواطر حتى او يوميات ليكي
على فكرة انا مش مصدق انك بس 16 سنة طريقتك وتفكيرك اكبر من كدة بكتير
واية حكاية زعلك من حكاية انتقادي لعروسة من الارياف في البلوج التاني دي ؟؟؟ انا طبعا استنتجت انك قروة من الارياف بسبب تعليقك ههههههههههه
بس انا شايف انك قاهرية اهوة بنت عم من البروفايل بتاعك
يا بني انا والله معرف هما جابو السن دا منين ...انا حتى مكتبتش سني خالص بالص والله.....طب بيني وبينك تديني كااااااااامممممممممممم
يا بني لم نفسك ولا عوزنا نطلق قبلي منتجوز يعني....غزل ايه ..انا بتاع غزل برضو ..انا يا خويا بتاع وحيد القرن بس...مليش في الغزل ولا الحاجات دي....
نيجي بقة للكتابة..هوا انتو سيبلي وقت علشان اكتب فيه ...منتو الخير والبركة برضو...كفاية علية منوريني بكتباتكو ....وكمان دوشت الفرح والكلام دا منتا عارف.....بس السبب الاصلي اني مش عرفة اطلع الكلام الي جواية ازاي ولا اكتب ايه ..كل ما اجي اكتب الاقي الكلام بقدرة قادر طفش مني مش عرفة ليييييه
يبقى دعيلي ربنا يفكها يا عم فرحان
هما بيكتبوا السن بناء على تاريخ الميلاد اللي انتي بتكتبية في البروفايل بتاعك يعني انتي اكيد كتبتي ان تاريخ ميلادك سنة 1990 فاوتوماتيك
نزل عمرك 16 سنة مش محتاجة نصاحه يعني
هههههههههه
انا اديكي طبعا غير 16 سنة خالص
يمكن 4 سنين ونص او ماشية في ال 69 وشهرين
ههههههه
لا متهيالي انك في منتصف العشرينات 24 سنة وللا حاجة
وواضح انك خريجة مدرسة فرنساوي كمان ههههههههه
عرفت منين بقى من الفرنساوي اللي في مدونتك التاريخ والشهر وكدة عاملاة فرنساوي
فانتي اكيد من مدرسة الجيزويت او نوتردام
يا اما حبيتي تتفزلكي وتختاري لغه تانية غير الانجلش في المدونة بتاعتك
ههههههههههههه
خللي بالك احسن وحيد القرن يقرا ردودك في المدونات وتبقى وقعتك كحلي ميتاليك
مانصحش اي مدونة انها تعرف خطيبها او جوزها او حتى حبيبها انها من عالم البلوجرية لسببين
اولا انة اكيد حاييجي يوم وتحب تفك عن نفسها وتفضض ويمكن تتناولة بالنقد في شيء فلو هوة قرا مش كويس
يا اما انها مش حاتقدر تفضفض عما يخصة علشان هوة عارف انها ليها مدونة وممكن يقراها وهنا ينتفي غرض التدوين انها تقدر تتناول اي حاجة بحرية وفي حياتها الشخصية بالاكتر
وثانيا علشان غالبا الزوج الشرقي مش حايحب ولا يقتنع بالموضوع دة لانة حايشك انها ممكن تتكلم عن خصوصياتهم وحياتهم الشخصية و مواقفهما سوا في البلوج بتاعها وممكن يسبب ليها مشاكل بسس اقتناعه بكدة
عامة انا شايف ان التدوين عملية انفعالية لازم ليها وقت معين و احساس يعني حاييجي وقت تلاقي نفسك فية كلتم كتير جواكي عاوزة تكتبية وتفضفضي بية وحتلاقي نفسك ماسة الكيبورد وهاتك يا تك تك تك تك ومش ملاحقة على الافكار الي في دماغك
تخيللي دايما انك بتناقش حد او بتنتقدي حد
او انك بتتكلمي وسط شلة من اصحابك او مع حد معين بترتاحيلة وانتي حاتلاقي الكلام بينساب
يا سيدي وحيد القرن بتاعي بيقرا ساعات تعلقاتي بس احنا في بنا تقة الحمد لله كبيرة قوي....وانا الحمد لله قد التقة دي برضو ...
الفرنساوي بتاعي درستو فضمنهور لما كنت بصيف هناك السنة لي بعد لي كانت بعد المنديال عندنا......يعني تعليييييييييييم مقلكش....دككككككككككووووووووووووووورررر....اصل انا تعليمي اسياوي بعيد عنك
السن بتاعي تمام في الجوووول......ويا رب اقدر اكتب حاجة قريب ....ولا قولك منخليها لبعد الجواز علشان الكلام يبقى عسل وخفيف عالقلب يعني...
سلام يا عمو
إرسال تعليق