أية البواخه دي ؟؟؟؟

بيانات عاجلة اثيرت خلال جلسة مجلس الشعب امس حول احتجاز السلطات الصومالية ل 5 مراكب صيد مصرية علي متنها 120 مصريا واحتجاز السلطات الليبية مركب صيد مصريا علي متنه 14 صيادا.
وأكد مصطفي بكري انه يجوز احتجاز المراكب لانها مخالفة ولم تسدد الغرامات ولكن لا يجوز احتجاز البحارة علي متنها.
وأشار عادل شعلان الي ضرورة التنسيق مع الدول المجاورة لعدم اعاقة حركة الصيادين.
وقال ما فائدة العلاقات الخارجية مع الدول المجاورة اذا كانت لا تحقق للمصريين فائدة.

ولفت محمد عبدالعليم داود الي ان ردود الخارجية دائما تكون دبلوماسية ولا علاقة له بأرض الواقع.
وطالب محمد خليل قويطة بضرورة عقد اتفاقيات مع هذه الدول لوقف هذه الممارسات مع الصيادين المصريين.
وطمأن د. مفيد شهاب النواب علي حسن معاملة المحتجزين مؤكدا ان سبب احتجاز السلطات الصومالية للمراكب المصرية هو مخالفتها القواعد والشروط ودخولهم المياه الاقليمية بدون ترخيص وانه وفقا للقانون الصومالي يجب تغريمهم بغرامة مالية وان أصحاب المراكب لم يقوموا بالسداد حتي الآن وانه فور السداد سيتم الافراج عنهم.


حتى انتوا يا صوماليين ياللي اللاجئين منكم في مصر اكتر من الهم عالقلب

و مئات ضباط الجيش المصري في الصومال من شهور كقوات حفظ للسلام

حتى انتوا يا أخواننا الافريقان الغلابة الجعانيين بتعضوا فينا

تحديث صغنن:

لما تبقى اليونان ولا ايطاليا بتقبض عالمصريين و يرحلوهم زي الكلاب قلنا ماشي و الله يرحم ايام زمان لما اليونان مسكت 300 مصري بيشتغلوا بدون تصريحات عمل في اليونان و عاوزة ترحلهم, السادات سمع الخبر اتعصب و أمر مباحث أمن الدولة انها تلم 300 من الرعايا اليونانيين و فعلا مسكهم و عباهم في طيارة في المطار و كلم رئيس الوزراء اليوناني و اتعصب علية جداً في التليفون و قاللة ما معناة بص من الآخر لو رحلت مصري واحد من دول من اليونان ,قبل المركب اللي حايترحلوا فيها تطلع من الميناء حايكون كل الجالية اليونانيين في مصر عندك بالطيارة, وفق اوضاعهم و اعمللهم إقامة و تصاريح عمل و حل الموضوع ودي

و فعلاًً قد كان (والعهده على الراوي), الله يرحمه برضة كان عامللنا قيمة و كرامة وسط الدول و مش اي دول بص المصري كان قيمتة اية و سط الأمريكان و الأوروبيين زمان و دلوقتي بقينا بنطلطش في كل دول العالم و بقينا مواطنين و رعايا من دولة درجه تالتة و لا ليهم قيمة و لا كرامة

و بص فوق تاني شوف كام أسم و لا عمرك سمعت عن واحد فيهم و كل واحد بيقول و بيعلق بكلام و لا له معنى من الاساس و لا ردود افعال لا سياسية و لا يحزنون

و لا كأنهم خايفين من اي رد فعل سياسي لا الصومال تقطع عنا المعونة, طيب لما تبقى أمريكا نقول ماشي ماحنا بنشحت منهم معونة و كمان خايفين منهم لاييجي علينا الدور في تطبيق الديمقراطية بعد العراق و سوريا و السودان

لكن لما يبقوا انتوا كمان يا صوماللين يبقى ميتقالش غير ينعل ابو دي سياسة اللي خلت المصري ارخص من كلب جربان في الشارع

دة أحنا بقينا بجد ملطشة

بالمناسبة الشقه اللي جنبي اتأجرت لأسرة صومالية من اللاجئين الهاربين من الحروب و المجاعه في الصومال

و الباشا الصومالي اللي ساكن فيها عامل للبواب كارت أرهاب و مفهمة انة بيشتغل في الأمم المتحدة كنوع من التهديد للبواب علشان يسمع كلامة ههههههههههه

طبعا أخوكم العبد لله مسك البواب بعترة و قالة يا اهبل امم اية و متحدة اية دة لاجيء يعني هربان من المجاعه و الحرب و جاي مصر لجوء تبع منظمة غوث اللاجئين التابعه للأمم المتحدة يعني مترحلين و هربانيين عندنا و مش يعني الي انت فاكرة زي كوفي عنان مثلاً ههههه