دلوقتي حالا كانت قناة دريم 2 مستضيفة ضيف ثقل الدم بيتكلموا عن جمارك السيارات في مصر و عن الاشاعات عن تخفيض الجمارك و طبعا الضيف يؤكد ان الاشاعات دي غير صحيحة
والمعلق بيسأل امتى ان المواطن المصري حايبقى في إمكانة شراء احدث السيارات بسعر واقعي في المتناول مثلة مثل أي مواطن في الدول العربية و الاجنبية والأمريكية حتى اللي سعر السيارة فيها يساوي مرتب الموظف في شهر مش في عشر سنين
و الضيف بيتهرب من الإجابة و بيجاوب على حاجة تانية خالص ان سيادتة بيشوف بالفعل احدث السيارات في الشارع المصري و ليس اقل من البلدان الاخرى
و المعلق برضة بيستفزالضيف برضة بذكاء و بيسألة عن مدى صحة ان الجمارك بتضاف على أحزمة الامان و كافة وسائل الأمان بنسب جمركية اضافية و الضيف بغباء منقطع النظير بيجاوب ان مصانع السيارات في دول العالم كلها بتمد الجمارك المصرية كل عام بالكتالوجات اللي منها بيعرفوا من رقم كود او مسلسل السيارة كمالياتها و سعته محركها و الفئة الجمركية ........ قصة تانية خالص مالهاش اي دعوة بالسؤال
كلة كوم و اللي حصل في نهاية الحلقة لما المذيع بيقول " وفي نهاية حلقتنا نشكر السيد......... رئيس الإدارة المركزية لشئون مكتب رئيس مصلحه الجمارك
يانهار أسود
أية دة في مسمى وظيفي بالشكل دة؟؟؟؟؟؟
و فية اصلا إدارة مركزية لإدارة شئون مكتب موظف حكومي
ايوة ماهو في النهاية موظف حكومي و مش حتى و زير ولا دياولو
صحيح
بياكلوا في أتة محلولة
الاشتراك في:
تعليقات الرسالة (Atom)
هناك 13 تعليقًا:
اه عادي جدا
انا برضة مدير المدونة المركزية لشئون المدونين المصريين التابع لوزارة الثقافة المصرية....عادي جدا
ياعم هو الكلام عليه فلوس..تلاقيهم كانوا عايزين يراضوا الراجل ويرقوه وكان يستحق لقب مدير ادارة ولا حاجة فاخترعوا المسمى دة علشان يفرح وينبسط
هو الكلام بفلوس؟
تحياتي ليك
سلام عليك يا حصان
دي تاني زيارة و تاني تعليق مش الاول
:)
موضوعك ممكن تكتبه عن كل برنامج بيتسال فيه اي وزير او مسؤول
لان ببساطة مفيش اي واحد منهم هيطلع وزارته أو إدارته فيها أي عيب أو تأخير عن حركة التقدم - اللي مش موجوده اصلا -..
بس نقدر نقول أن فعلا الموضوع تهريج و استفزاز للمشاهد قبل ما يكون مستفز للمحاور اللي معرفش يطلع إجابة معقولة من ضيفه
ربنا يستر علي بلدنا يا حصان
سلام
مها
يا حبيبي الموظف ده بدام في الجمارك يبقى يعملوله هيئة كمان لادارة شئونه
الله يحرقهم بتوع الجمارك
اكلينها والعة
شعب فقير في كل شئ حتي الرحمه
الراجل قال اللي المفروض يتقال
اصل شكلها مش حلو لما المذيع يسأله : امتى هتكون اسعار السيارات في متناول الناس
و الراجل يجاوب : ابقى قابلني
;)
أقولك على نصحية.. أنت تقفل التليفزيون خاااالص ومتتفرجش على اي برنامج
والله بتحسر اما اقرى او اسمع الحاجات دى
منتهى الاستخفاف
والاستهبال
حسبنا الله ونعم الوكيل
بياكلوا فته فى دمنا
إحنا مش فالحين غير في أسماء الوظايف اللي تخض ... تلاقي الراجل من دول المسمي الوظيفي بتاعه سطرين قبل إسمه ... بس حلوه إنه بيشوف أحدث أنواع السيارات في مصر
حلوه أوي
سلامااااااااااااات
والله تهريج
ولا تعليق على الهبل المستشرى فى البلد العجيبة دى
شكرا للتهنئة بعيد ميلاد جنى الجميلة
والأخبار الحلوة ان الشمل اتلم تانى
Hi, Thanks a lot for asking about me!!!
Actually i was so busy lately + being Sick :(
So that's why i was a bit lazy posting to my blog.
anyways thanks again!
~Be Well~
والله حاجة تضحك ههههههه
إرسال تعليق