تحديث
هذا وقد استجابت السماء لدعاء البلوجرية
وانهمرت الأمطار بالأمس كالسيل
و غسلت الهواء من التراب و ازاحت بقايا العاصفة الترابية عن الطرقات
و عاد للجو لصفاؤة و عاد للهواء برودتة وانتعاشة
ياريتنا دعينا انة يرحل و يغور و تشوف حياتنا النور
اة بس لو كنا نعرف ان ابواب السماء مفتوحه وان الدعوات مستجابة قوي كدة
هناك 25 تعليقًا:
حمد الله على سلامتك
بجد واحشاني بوستاتك
يارب تمطر عشان خاطرك
بالضبط زي الصورة
نقط تقيلة وسريعة تنقر على الأسفلت و نور العربيات يخليها تلمع و الشارع يلمع
وتقوم الناس متجمعه تحت أقرب تاندة أو دخلة عمارة
فاتحس وسطهم بالألفة و الدفى
ولاّ بعد المطرة ما تخلص فتشم ريحة المية المختلطة مع تراب الشاره وتلاقي رواج حركة الشارع رجعت تاني و بدأ الدفى يتسحب في الأجواء
ياااااه
نفسي تمطر
اصل انت مش عارفة يا هنودة النهاردة في القاهرة اسوأ عاصفة ترابية من سنين
الخماسين جاي متأخر شوية بس جاي بلعناتة رادم البيت حتى من جواة تراب
كان معكم من تحت التراب الحصان الاسود من قناة البلوجسفير
على فكرة يا هنودة و صفك للمطر رائع والصورة الواقعية اللي باحس بيها بالضبط
كنت زمان احب انزل و اتمشى تحت المطر بس دلوقتي باحب اتفرج علية من ورا الشباك او من جوة العربية بس
باخاف يبل النضارة و يبوظ الموبايل
حتى بقيت اكرة السواقة في المطر بسبب الناس اللي مابتعرفش تسوق و ماشية تلوش ومش عاوزة تفهم ان المياة بتزحلق العربيات مع الفرامل المفاجأة او الملفات بسرعه حاجة تقرف
بس برضة ارحم من جو التراب اللعين دة
بجد الجو النهارده فعلا غريب بس الدنيا ادتنا بومبه وممطرتش
بس والله صدقني احنا احسن من غيرنا كتير
لو عشت في الكويت زي حلاتي هتعرف اننا هنا في نعيم
تخيل نفسك كدا كل الربيع وتلات تربع الصيف بنفس المنظر دا
وضيف كمان الرطوبه الي تخلي الواحد بيتخنق براحه
تحس انك بتسم مايه مش هوا
الحمد لله احنا في نعمه بجد
بس ايه القناه الغريبه الي بتزيع منها دي
التردد بتعاها كام الله يخليك علشان اجيبها
تحياتي يا عزيزي
ياريت تمطر
:)
اللهم حوالينا لا علينا
كنا محتاجين المطر امبارح اوى فى التراب المهبب ده
gohayna
ايوة عارف واسمع عن الطوز في الكويت و عن الحرارة والرطوبة والتراب
احنا فعلا في نعمه
بس امبارح دة ماكانش عادي ابدا والبيت هنا اتردم تراب
قناة البلوج سفير يا جهينة هي قناة البلوجرية لكل من على البلوج سبوت
ترددها تسعه فصلة ستة
:)
تحياتي يا نسلة
__________________________________
محض روح
اهلا بيكي من تاني
فعلا ياريت تمطر امبارح كنا محتاجين شوية مطر يهدوا التراب والجو المنيل دة
تحياتي
___________________________________
محمد عبد الغفار
ياااة انت فين يا راجل بقالك كتير مش باين لا عالبلجسفير ولا عالماسنجر
انشالله تكون بخير
ومنور مدونتك من تاني
فعلا كنا محتاجين المطر امبارح
وانا عملت البوست الصغنن دة وقت التراب ماكان في عزة
وماتسألنيش مين عزة دي :)
تحياتي
وانا كمان نفسي تمطر
لان عندنا الطقس زي عندكم تراب ورمل وكئيب عموما
الحقيقة المطر خير من ربنا وبحس لما تمطر النفوس ترتاح وتهدأ
سلام
احلى حاجة انك تمشي تحت المطر
بجد احساس جميل جدااااا
بس السنة دي المطر مش كتير
:(
آه والله يا ريت تمطر بقى
وأول الغيث قطرة
كلنا نفسنا فى قطرة
نفسنا تندع حتى عشان تندى حياتنا
تحياتى
تصدق الارسال باظ خالص
يلا ماعلينا
تحياتي
هي بتمطر فعلا
اهى مطرت الحمد لله
ده كان يوم غريب
بس المطر جيه وغسل كل حاجه وصفى التراب من ع الشجر
وصفى كمان التراب من ع البشر
والهوا كان منعش جدا
الله كان يوم جميل
حلوه اوى اللوحه
انا هسرقها
تحياتى
Yasmina, ريما, ياسمين, gohayna, a.samir, r.r
الحمد لله اهي مطرت و ازالت التراب و غسلت الجو والشوارع والبيوت وياريتها غسلت النفوس كمان و عاد للجو نقاؤة و للهواء انتعاشة
شكرا لتعليقاتكم و دعواتكم معانا
r.r
فعلا اللوحه حلوة جدا و هي من صديقة من استراليا هي و كذا لوحه متحركة بس كان نفسي تطلع عالبلوج زي الاصل اللي فية الامطار معمولة بتتحرك فعلا كأنها بتمطر فعلا
بس لما نزلتها عالبلوج كانت صورة ثابتة وغير متحركة كالأصل
عالعموم اللي عاوز الأصل ممكن ابعتهالة بالياهوو لو يحب
هي فعلا أروع بكتير
تحياتي لكم جميعا
حمد الله علي السلامه ولو إنها جت متأخره
أنا كل لما أدخل ما كنتش بلاقي جديد... فجأه النهارده لقيت 3 مواضيع... علي العموم نورت المدونه بتاعتك... المطر كان جميل... غسل فعلا آثار التراب المزعج... صاحبك حظه حلو مفيش دعاء محوق معاه... لأ وهيجوز إبنه في يوم عيد ميلاده... هههههههههه.. ربنا يكون في عونا إحنا
سلامااااااااااااات
قد ايه شعور جميل لما الدنيا تمطر و الواحد يلاقى نفسه مغمور بمية السحاب أنقى و أطهر انواع المية .. احساس جميل بالنقاء و شعور غريب بالطفولة
بحيييييك
دى أول زيارة ليا لمدونتك
تحياتى
ايه دا اغنيه دى ولا ايه
بس كلامك صحيح بس مش اى دعاء بيستجاب يعنى
reri
اهلا بيكي من تاني ومنورة المدونة
والله يا ريري كنت مقريف شوية و مش في المود الفترة اللي فاتت اني اكتب ولا حتى ارد عالتعليقات,معلش
وبالنسبة لاخينا دة ياللا ربنا معاه بقى و يعينة على جواز ابنة تلاقية يا حرام عامل جمعيات و سالف علشان يجهز الواد من دمياط ويجيب لة الأجدهزة من النقابة
وبالنسبة لعيد ميلادة فمش حاقول إلا
ربنا يجعله أخر الأحزان
تحياتي
___________________________________
eman eltaher
اهلا بيكي ومنورة المدونة و نتعشم نشوفك دايما عندنا وماتكونش اخر زيارة نتشرف بيها
ماعتقدش ان مياة السحاب نقية
اكيد العوادم والتلوث بيخلي السحب تنزل مياة حمضية ملوثة
بس المهم انها غسلت التراب و الجو راق بعد اليوم المهبب اللي شفناة
تحياتي
___________________________________
sendrella
الاسم النجليزي فعلا هو اسم لاغنية قديمة شوية
بس انا فعلا كان نفسي تمطر بعد التراب اللي شفناة دة علشان الجو يروق
والحمد لله ربنا استجاب لدعائنا و مطرت شوية حلوين طهروا الجو من زعابيب الخماسين دي
المهم بقى حمد لله على السلامة و سعيد انك عدتي للكتابة و قصيدتك الأخيرة حلوة قوي و كفاية كدة ماتكميلش فيها
انا كنت فاكرها كدة وبس و عجبتني بس استغربت انك بتقولي انك ماكملتيهاش لانها كاملة ومش ناقصة
وخير الكلام ما قل ودل
تحياتي
اه ياريت تبعتهالى
اكون شاكره
يب و الغسيل اللي غرق
حتغسله انت تاني
و لا بتعرفوا تدعوا بس يا رجالة
r.r
انا دورت عالايميل بتاعك في البروفايل بتاعك في البلوج مالقيتوش
طيب ممكن العنوان ابعتهالك عالبيت بالدي اتش ال
:)
bastokka
يعني كل اللي صعبان عليكي الغسيل؟؟؟ انتوا يا ستات عليكوا حاجات و بتحبكوها تحبيكات
يعني مش صعبان عليكي التراب اللي قدنا فية يومين و البيت اللي اتردم تراب ولا العيال اللي الحساسية اشتغلت عندهم
ولا انتي ماتعبتيش في تنضيف البيت من التراب
متهيالي ان حط الغسيل في الغسالة و نشرة لا يعتبر مجود يذكر بالمقارنة بالمجهود الذي بذلتية في تنضيف البيت من العاصفة الترابية
مش كدة ولا أيـــــــــــة
مع الاعتذار للمرحوم فؤاد المهندس
مع انى من المنصوره بس كنت شايف التراب الى كان موجود فى مصر
مش عارف انتو كنتو مشين هناك ازاى
و الحمد لله ان المطر نزل و شال التراب ده
دى ما انت بتقول
تحياتى
يااه سبحان الله
أنا كمان ساعتها دعيت ربنا ان المحاضرة تتلغي
وقد كان
لا مش محاضرة واحدة ..الاتنين اتلغوا
والله لو كنت اعرف كنت دعيت
بحاجة تنفع في المستقبل
سلاماتي
أنا نفسى بقى تمطر دلوقتى أزاى معرفش وكمان نفسى أمشى تحت المطر بيكون أحساس جميل قوى
مش مشكله قوي تمطر او لا في القاهره
:))))))))
طول ما انا مش موجود مش فارقه بقي
:))
النداله بقي و كده الايام دي اجمل حاجه
:))
بس الي ليه لازمه بقي موضوع يرحل ويغور و نشوف النور ان ده حتي لو مش عايشين في البلد بس بجد احساسنا بالخنقه من وجوده و ان الدنيا مضلمه بسببه احساس مستحيل ننساه نقول بقي يا رب يغور هوا و عيلته كلها لحسن الصغير يطلعلنا مش ناقصه الاشكال دي تاني
إرسال تعليق