يؤسفنا ابلاغكم انة نظرا للظروف العاطفية والحالة النفسية المتدهورة لمعالي فخامتنا فقد قمنا بقبول عرض الشركة التي يعمل فخامه عظمتنا بها بالأنتقال إلى المملكة العربية السعودية وذلك لإدارة فرع الشركة الجديد بها
وسيتم ذلك ان شاء الله تعالى في غضون الشهر القادم
ولا ينتظر عودة فخامتنا للكتابة البلوجرية بعد ذلك الحين
حيث انة من المتوقع عدم توفر وقت للكتابة البلوجرية اثناء ساعات الدوام و عدم توفر خط دي اس ال منزلي
وسيتم الاعلان في وقت لاحق عن مزايدة لبيع مدونتنا الحبيبة
مع احتمال قيام نيافة فخامتنا بعمل متهور لا تحمد عقباة قبل مغادرتة الوطن الحبيب وذلك بالزواج من صاحبة السمو والمعالي والتي تعرِف عليها نيافة فخامتنا خلال زيارتة الميمونة للشعب الجزائري الشقيق
ولا عزاء للبلوجريات الفاتنات ***
وسيتم ذلك ان شاء الله تعالى في غضون الشهر القادم
ولا ينتظر عودة فخامتنا للكتابة البلوجرية بعد ذلك الحين
حيث انة من المتوقع عدم توفر وقت للكتابة البلوجرية اثناء ساعات الدوام و عدم توفر خط دي اس ال منزلي
وسيتم الاعلان في وقت لاحق عن مزايدة لبيع مدونتنا الحبيبة
مع احتمال قيام نيافة فخامتنا بعمل متهور لا تحمد عقباة قبل مغادرتة الوطن الحبيب وذلك بالزواج من صاحبة السمو والمعالي والتي تعرِف عليها نيافة فخامتنا خلال زيارتة الميمونة للشعب الجزائري الشقيق
ولا عزاء للبلوجريات الفاتنات ***
وتحيا الوحدة العربية
مع الاعتذار للفنان عادل إمام في شاهد ماشافش حاجة*
والله الموفق
هناك 30 تعليقًا:
قلت ارد لك الزيارة
جميل البلوح بتاعك الف مبروك مقدما على الزواج
انتم السابقون ونحن ان شاء الله بكم لاحقون ، هو كاس وداير
اهلا بيكي يا شيماء
نورتي بلوجنا المتواضع بزيارتك
الموضوع مش كدة يا شيماء الفكرة ان انا بقيت كارة حياتي ومن فترة بسبب قصة انتهت وسابت في اثر وجرح كبير في قلبي و اصبحت كمن يحيا بلا روح
يعني عايش ومش عايش
و خلال الايام الماضية اصبح عندي رغبة كبيرة في التغيير لأي شيء وهو بلا شك تغيير للأسوأ
من حيث الذهاب لمكان أكرهه و الحياه مع انسانة لا احبها
لكن احيانا النسيان يتطلب ان يرضى المرء بوضع هو غير راض عنة للخروج من أزمتة
ولو قرأتي شوية في البوستات السابقة و التعليقات عليهم حاتفهمى لية انا سايب البلد و طفشان
لأني مابقيتش قادر اعيش فيها
تحياتي
:D:D
Alf Alf Gneeh inshaallah zawag mowafaq :D
3o2bal ma young uncle ya rab aslo kan bymor benafs zroofak we lessa mn shwaya a5iran wafe2 eno yedawar w yetgawez... I really wish u good luck coz u ll be like a good omen to ma uncle inshaallah :D
تفتكر لما تطفش من البلد هتبقى احسن
الجرح او العيب او عدم القدرة بتبقى جوانا احنا
مش فى البلد
عنينا هى اللى بتشوف الوحش و الحلو وتجمله
انت بس علشان مش مستقر عاطفيا
و نفسيا مش حاسس بحاجة
بجد والله انا لو منك اروح لطبيب نفسى
و متعملش زى الناس اياهم وتقول ليه هو انا مجنون ؟؟؟
وربنا يوفقك فى كل حال
لالالالالالالالا انت كدة بتهرب من حياتك ومن كل اللي بيحبوك
اوعي تضيع حياتك عشان مش تندم في يوم من الايام
انا لو كنت بفكر بنفس تفكيرك كان زماني متجوزة من زمان وعندي عيال كمان
او زماني كنت مسافرة اي بلد وبشتغل وعلي قلبي فلوس اد كدة
بس انا مش بهرب
مبد
ا اني اقول اهي حياة والسلام دة لازم تخرجه من واك
دة عمرك كله
ازاي هتبقي في حضن واحدة وانت بجسمك وخيالك وروحك مش معاها اصلا
هتمثل عليها
تفتكر هتعرف
هتستمر اد ايه في التمثيلية دي
هتسافر وتشتغل في بلد تانية طول عمرك
حلو اوي
ومش هقدر الومك او اعاتبك علي سفرك
بس انت قبلت بدافع الهروب
واجه نفسك وحب حياتك زي ما هي كدة
اي كان عمرك عدي وفات بس مش تضيعوا
انا لو هقضي عمي كله بستني اللي عايزاه مش هندم ولا لحظة واحد
لكن اني اضيع عمري مع حد مش بحبه
يبقي حكمت علي نفسك بالموت
عارفة انك هتقولي مانا كدة كدة ميت
لالالالالالالا تبقي غلطان
انت جواك مشاعر واراء ان دلت فهي تدل علي احياء شخص ونبض جايز يكون ضعيف بس اهو نبض وفي دم بيسري جواك
مش تحسسني ان الامل اللي انا حاطاها لنفسي وشفته برضه فيك لما عرفت قصتك ورديت عليك في التعليقات انه بيضيع
وانه مش في فايده
لكن ارجوك عاود التفكير مرة تانية
انت غلطان بجد
لو كان فى السفر الحل كنت انا اول من شد الرحال
عزيزى الحصان الاسود انت بتطبق مثل داونى بالتى كانت هى الداء
بس للاسف ده مش هيولد غير الم ومشاكل اكبر غير انك كده بتعيد نفس القصه تانى والضحيه المره دى مش انت بس لكن واحده معاك
انا اكتر واحده حاسه بالآمك لانى شفت اقنعه بتتساقط قدام عينى لكن وعدت نفسى انى اطوى صفحه الماضى وافكر ازاى اعيش حياتى بكل ما فيها
انا مع اراء السابقه فى انك تعيد التفكير فى الارتباط قبل ما تحصل مأساة
جديده
eh da eh da..
hatemshy troo7 feen bas..
Mabrook awalan 3al manseb algedeed ;)
bas etsarraf w wafar dsl felbeet, kda mainfa3sh..
w Mabrook sanian 3al 7'atwa almotahawerra elly isA sato7mad 3oqbaha :)
لا يابني -حلوة ابني دي- اذا كنت مسافر عشان مستقبلك يبقه كدا انا ماعاك لكن اذا كنت مسافر عشان بعد ماهتتجوز تقدر تعيش
فدا لا
اولا لا سفرك ولا بعدك لعالم انت جديد فغيك هاينسيك اي حاجه من ماضيك لان اللي جواك جواك مش هاتحطه في الخزنة في البيت وتسافر وتسيبه لا دا قلب يعني حب يعني تفكير
وبعدين مش حرام عليك تظلم حد معاك صدقني انت كدا هادخلها في مقارنه بين الانسانه اللي انت حبتها والانسانه اللي هاترتبط بيها يوم مادي تزعلك في حاجه تقول ربنا يمسيها بالخير كانت بتعمل كذا وكذا
والعكس صحيح بردو
بس انت كدا هاتقدلها وهاتقتل ولادك معاك لانهم لما هاييجوا صدقني الطفولة هاتحس بحبك لامهم او كرهك ليها
لا انا مش هاطول كتير بس لا والف لا عايز تسافر سافر بس سفرك ده هايكون لسببب مادي وماتفتكرش انه هايأثر في الجواك معنويا يعني
الحب هو الحب سواء في الصين شسواء في بلجيكا
وبعدين ياخي بكره ربنا يوعدك ببنت الحلال اللي تحبها
مش جواز وخلاص
راجع نفسك الف مره
وربنا يسترها
Spellz
شكرا لتعليقك بس بصراحة انا مش فاهم ثلاثة ارباع الكلام ياريت لو تكتبي بالعربي او الانجليش او حتى الايطالي بس بلاش فرانكو اراب :)
شيماء
انا طفشان من نفسي مش من البلد
بس اقولك حاجة ردا على سؤالك إذا كان حال البلد حايبقى احسن لما اطفش
بصي يا شيماء البلد دي مافيهاش امل ولا مشياني منها ولا مشيان غيري حايغير منها ولو مشينا كلنا وسيبناها فهيه برضة خرابة
عنين اية اللي عينين اية اللي تشوف حلو او وحش وتجملة يا بنتي الوجة القبيح للبلد دي ولا كل مساحيق التجميل الموجودة في العالم تغطية ولا تحسن من صورتة
دة موضوع مفروغ منة بس انا مش طفشان من البلد انا مابقيتش قادر اعيش هنا فعلا وعاوز ابعد يا شيماء هنا انا باتقطع في اليوم الف مرة
انتي مش فاهمه تفاصيل كتير بس يكفي اني اقولك ان انا هديت حياتي علشان واحدة حبيتها
وبعد ماهديتها سابتني ومشيت
ولقيت نفسي لوحدي شهور وشهور طويلة وتعبت بجد انا مش عارف اشتغل ولا انام ولا حاسس بطعم اي حاجة في الدنيا
الموضوع مش موضوع طبيب نفسي يا شيماء
بالعكس انا نفسيا قوي جدا و تحملت ضغوط نفسية رهيبة ولم انهار ومازلت متماسكاً وقادرا على الكثير
على فكرة فية واحد صاحبي طبيب وهو عارف وشايف كل الضغوط اللي انا بامر وعايش فيها من شهور قاللي كلمة من شهرين كدة قاللي "انت كويس قوي انك استحملت كل دة ومانهارتش و انت اكتر واحد انا شفتة في حياتي حوالية كل مقومات الانهيار النفسي .... انت لو حد غيرك كان جالة انهيار عصبي من زمان" ونصحنى اني ماسيبش نفسي عايش لوحدي كدة و ضروري اتجوز او اشوف اي حل ونصحني اني اخرج من الجو والعيشة دي لانة شايف اني لو استمريت كدة ممكن فعلا انهار في اي وقت
________________________________
سمراء النيل
مش عارف اشكرك ازاي على وقفتك جنبي وارآئك وذوقك وكفاية بجد وقتك ووقفتك جنبي .......أخت بصحيح
_________________________________
شيكو
شكرا لأهتمامك بجد
بس اقولك انا محتاج تغيير في حياتي
محتاج اخرج نت الوحدة دي بأي شكل وبأي طريقة وانا مش باعمل غير اللي انتي قلتي انك عملتية لما كل الاقنعم اللي حواليكي تساقطت
انا برضةباطوي صفحة الماضي وبابتدي صفحة جديدة لأعيش حياتى بكل ما فيها
__________________________________
منة
شكرا ليكي والموضوع لسة فية وقت و لو فية فرصة اني افضل عالتواصل معاكم اكيد انا مش حاسيبها تضيع واكيد حاعمل ما في وسعي ان اكون على قدر المستطاع معاكم
_________________________________
بين الأمل واليأس
لا الموضوع مش مادي خالص وبتاتاً
بالعكس انا اصلا باكرة السعودية جداً وعمري مافكرت اعيش ولا اشتغل هناك بس انا محتاج ابعد
لما قريت البوست كنت داخله ابارك لك واقولك معقول اول مره اجى ازورك الاقيك انت ماشى
............
لكن لما قريت المكتوب فى الكومينتس ..استغربت ازاى اتغيرت حالتى 180
درجه..صحيح مش شرط ابدا انك تكون تعرف صاحب المشكله علشان تتأثر بيها يكفى ان كل حرف من حروفك تقطر الم
..............
معنديش كلام اضيفه بعد الى اتقال
اتمنى ان السنه الجديده تكون خير عليك
مين عارف ..احتمال ساعات فى السنه الجديده تمحى الام شهور..خلى عندك امل فى بكره مهما كان الى حصل
كمان عارفه ان كلمنا سهل جدا اننا نقوله وننصح بيه وكتير بيشوفه الطرف الاخر صعب انه يتنفذ او انه يحل حاجه لكن للاسف ده كل الى نملكه
.........
اتمنى لك حياه كما تتمنى انت.
داليا
شكراً لذوقك ورقة كلماتك ومشاعرك
فعلا كلامك من القلب و إلى القلب
يكفيني شعورك و احساسك بي
اتفتح جرحي لما قريت بروفيلك انك اسكندرانية ...... لو تعرفيها روحي وقوليلها
__________________________________
أيمن
شكرا لتعليقك
بس الموضوع مش رحلة عمل
الموضوع اني مابقيتش قادر اعيش وكل دقيقة بتمر عليا بافتكر حاجات بتقطعني
عاوز ابعد يمكن اعرف انسى
تحياتي
حقك عليا والنبى
ولا تزعل نفسك
انت شكلك مش قادر
غير جو وربنا يوفقك
بس برضه العيب مش ف ىالبلد
العيب فينا احنا مش اكتر
وربنا يوفقك
شيماء
ممكن اسألك سؤال غريب شوية
هوة انتي من السويس اصلا ؟؟؟
معلش بس باشبة عالأسم
هو مفيش فى السعوديه سيبر كافيه لا ايه اكيد فيه ، بس مش دى المشكله اللى هتواجهك المشكله هى الجواز وكمان واخدها فى غربه يبقى انسى يا عمرو بس حاول يعنى تشوف طريقه تدون بيها عشان خساره نفقدك كمدون
عاوز بس أقلك شئ بمناسبه الجواز هو مبروك طبعاً وكل شئ وربنا يتمم لك بخير ، بس نصيحه أرجع يا مجنون وبعد الجواز متقلش محدش قالى
بقلك تانى اهه ارجع يا مجنون
محمد
ههههه لا ماتقلقش انا مجرب وعارف
بس المرة دي الموضوع مختلف شوية و محسوب بعقلانية مش بعواطف وخلاص
عالعموم حانشوف بس الشهر اللي جاي دة فية حاجات كتير حاتتحدد لسة
ربنا يستر ويسهل ويوفقنا لما فية الخير
شكرا لتعليقك
تحياتي
أفلح ان صدق
تؤ تؤ تؤ
انا من القاهرة الساهرة الساحرة
انا من القاهرة ام الالف مئذنة
انا من القاهرة الحلوة المنعمنشة وقت الصفا
انا من القاهرة
:)
اعتفد ان كلامى اتاخر شويه ولو كنت شوفتو من بدرى حبه كنت حاولت اساعدك
انت من اسكندريه
بص مش هقولك حاجه انا بجد متأثره ممكن يحصلى نفس اللى بيحصلك بالظبط ويا خوفى يتاخر اكتر من كدا فى الغربه الاقى نفسى متجوزه شخص تانى مبحبهوش وبردو مسافره لبلد تانيه معرفهاش
كل اللى هقولك عليه ان الحزن مش هيفارقك لو هتقدر عليه سافر واتجوز وعيش فى حضن محستوش
لو قدرت تمحى زكرياتكو ولو قدرت تشوف فى عيون تانيه وش غير وش حبيبك
سافر لو قدرت
همس الليل
لا انا مش من اسكندرية انا من القاهرة بس البنت اللي حبيتها و كانت اسكندرانية
شكرا لشعورك يا همس بس مافيش حد يقدر يساعدني, ولا اي حد يقدر يغير من واقع مؤلم عن انسان ضحي بكل شيء لاجل من احبها وهي لم تقدر ذلك ولم تساندة ولم تقف لتصرخ في وجة ابيها لا انا باحبة
والله ماقدرت تقولة
ما علينا
الموضوع منتهي
المهم انا اشكرك لرقتك و لتشريفك مدونتنا
وربنا يرد لك حبيبك بالسلامة
المهم انتي تقفي جنبة وماتتخليش عن حبك ابداً مهما حصل
حياتك بإيدك انتي اللي تقرريها وتختاريها
علشان ماتلاقيش نفسك ضايعه و قابلة وضع انت مش راضية بية
تحياتي
مبروك .. ألف مبروك .. الوظيفة والعروسة
هتوحشنا
يا حصان يا اسود
انت بتهرب .. صح
طب ما بلاش السعودية .. ما بحبهاش
أصلى عاوزة أهرب كمان
شوفلنا حتة كويسة نهرب ليها
أنا مش عارفة ايه حكايتك بالظبط ؟؟ بس أنا واخدة خازوق جامد شكله من النوع اللى انت واخده برضه
الحل .. ندور على المصنع بتاع الجوازيق ونحرقه
مش عارفة اقولك ايه .. حاسة بيك .. ونفسى أعرف أعمل زيك والاقى حتة وحد أهربلهم حتى لو مش بحبهم
قلبى معاك
ياسمين
انا اصلا مش باطيق السعودية
وبالذات اني لفيت بلاد كتير وشفت اماكن كتير وعارف كويس مشاعر الاخوة السعوديينتجاة المصريين وبيبصوا ازاي للمصريين اللي بيشتغلوا هناك
بس انا زي مانتي قلتي عاوز اهرب او اطفش
والفرصة المتاحة الان هي السعودية زي ماشرحت
انا بخصوص مصنع الخوازيق فدة بقى بلد خوازيق مش مصنع
وخاوزيق بلدك طايلة 90% من ال80 مليون الي فيها
انتي عالاقل ليكي بيت و ولادك وعايشة لهم
حاتطفشي منهم؟؟
طيب وانتي كمان متجوزة وعلى ذمتة
اقولك اتطلقي وارميلة العيال وتعالي نطفش سوا
:)
بالمناسبة يا ياسمين
انا خدت بدل الخازوق اتنين
واحد من اللي اتجوزتها و خلفت منها و في الاخر طلقتها
والتاني من اللي حبيتها
ولو قريتي البوستات والتعليقات اللي هنا في المدونة حاتعرفي تفاصيل الحكايتين قصدي الخازوقين
بس يا بطة ماوعدكيش انك لو طفشتي معايا انك مش حايطولك مني خازوق
من نفسي بقى اعوض شوية وارد بعض من اللي طالني
هههههههه
اهو كدة الكلام
اظهر وبان عليك الأمان
وتقولى واخد خازوقين
شكلك انت اللى طلعت عينهم
:))))
عموما الحال من بعضه يا بطل
مش عايز حد يشتغل معاك هناك
مبروك الجواز
join the club
دماغ ماك
ابعت السي في بتاعتك يا بطل
ههههههه
احنا اللي نتشرف بالشغل معاك يا سُلم
شكرا لتشريفك ونرجوا دوام التواصل
السعودية؟؟؟
طب أحجز مكان من أولها بئه:>
إحم.....
البقاء لله
يعم انت لسه شباب
حب مره واتنين وتلاته
وعيش تجاربك بحلوها ومرها
بكره لما تكبر تضحك علي اللي حصل لك وحا تحس أنك كنت مضخم الأمور
تحياتي لك
سحابة
مكان فين ؟؟
قبر ؟؟
البقية في حياتك
مكسوفة
تفتكري ؟؟؟
الحب الحقيقي لا يمكن نسيانة بسهولة
لو اتنسى بتلك السهولة مايبقاش حب حقيقي
ولا يمر بتلك السهولة
شكرا لزيارتك
تحياتي
إرسال تعليق