ربنا يعين الاخوان في تونس والجزائر وكل الشعوب المقهورة تحت حكم ظالم من حاكم مستبد ويارب نشوفهم كلهم زيينا عايشين في رفاء ورخاء و يديهم حاكم عادل وحكيم و ديمقراطي زي اللي عندنا
_________________
في تونس الحاكم محدد للمصلي الجامع اللي يصلي فية و الدخول من خلال بوابة الكترونية بكارت ممغنط زي مترو الانفاق وممنوع على كل مواطن الا انة يخش جامع واحد بس هوة الي متحدد لة ومسئولية إمام الجامع انة يقف عالباب ويراجع كروت كل المصلين وهما داخلين ويتأكد انهم من المثبوتين في الجامع المحدد لهم للصلاه وإلا يعرض نفسة للمسائلة "والبهدلة" من الأمن
وان خطبة الجمعه يكتبها إمام الجامع ويعرضها عالأمن الحضري هناك قبلها بايام و يراجعوها و يحذفوا منها او يغيروا فيها و يختموها بالموافقة و حسب الاجراءات مفروض الإمام يصورها ويقف يوزعها عالمصلين على باب الجامع وممنوع منعا باتا القاء الخطبة عالميكروفون,
دي مش دعابة ولا تخيلات مني دي الحقيقة التي يحياها الأخوة في تونس الشقيق
الحاكم هناك خايف ان الشيوخ تشحن المصلين فايقوموا بثورة علية و مظاهرات علشان كدة بقى حاكم الموضوع جدا بطريقتة العجيبة
سمعت كمان انة من الممنوع ارتداء الحجاب في الطريق في تونس الا بشروط ومواصفات إجتماعية معينة وسمعت حكايات عن العساكر اللي بيتهجموا عالمحجبات في الشارع ويقطعوا لهم حجابهم حتى لو ستات كبيرة و يهينوهم لإرتداءهن الحجاب وهذا نقلا عما قرأتة في مدونة احد الاخوة التوانسة
اما بالنسبة للأحوال الاقتصادية في تونس فهي لا تسر عدو ولا حبيب وبنات كثير طالهم الانحراف لتوفير لقمة العيش وأحياء بكاملها تعمل في الدعارة من اجل اطعام الأفواه.... وان السياحه هناك اصبح جزء كبير منها قائما عليها
اما الفتيات التي تبقى لديهم بقايا شرف ومال واهل فكل حلمهن ينحصر في الزواج من اجنبي والسفر من ذلك البلد وهذا مارأيتة بعيني أيضا في الجزائر
التضامن مش اننا نضرب عن الكتابة والتدوين ............ ماحدش حايحس بينا ولا يفرق معاه
التضامن اننا نتكلم وننقد ونهاجم السياسات الخاطئة ونكشف سلبياتهم و استبدادهم
هناك 8 تعليقات:
عجبنى اضرابك بالكلام
بدل السكوت
أنا حره
شكراً لكِ
انا رأيي ان السكوت سلبية
ومش بيفيدنا ولكن هم بالعكس يفضلون لنا صمتنا عن مهاجمة السلبيات والسياسات الخاطئة
وانا اعلم جيدا ان الاخوة في تونس تحت قهر و ظلم كبيرين
ولا يسطتيعون حتى النقد من خلال مدوناتهم
فإذا هم لم يسطتيعوا الكلام ولم يكن لهم الا الصمت
فواجب كل اخ لهم في مصر والدول الاخري الكلام والنقد ومساندة اخوانهم في تونس الشقيق
فإن هم استطاعوا اسكاتهم وقهرهم فإن لهم اخوان في كل مكان لن يصمتوا
حضرتك جيتنى مدونتى بتقولى خفى شوية
يريت بس تقولى اخف من ايه
عشان ابقى اخد بالى
تحياتى
فعلا اصبح السكوت ولا الاضراب بيفرق مع حد
بس ياترى انا عايز افهم معقول لو الشعب كلة اتحد وثار ثورة واحدة على الحكم ممكن الحكومة تعمل ايه
ليه مانعملش كدا ليه بنخاف من كدا
انت عارف ليه الحكومة قادرة علينا او عليهم لان كل ماحد يفكر ويبدأ ينشر فكرتة فكل الي بيستمعله بيكون خايف ويوم مايتمسك صاحب الفكرة الكل بيفلسع (يهرب) بس اكيد فيه حل
انت ايه رايك الحل ايه
وبالنسبة للي في تونس فده فعلا بيحصل وبيحصل في الجزاير وانا عارف ان اللي ان قلته ده حقيقة لاني متابع بس تتخيل بلد المليون شهيد يتعمل فيها كدا
طب ليه داحنا اصحاب البطولات
مش عارف انت هاتخلي دمي يفور وخلاص
وربنا يسترها
الوردة السودة
اولا اهلا بيكي
ثانيا: يا ستي انا كنت الاول باقولك ان كلامك حلو وبعدين باقولك خفي علينا السلخ شوية من حيث التريقة يعني
زي مابتقولي "واحد راح ييجي عشرة" و للا حكاية "ب 50 قرش جاز وبشلن كبريت وتولعي فينا" يعني انا باهزر معاكي مش اكتر
سعدنا بزيارتك
تحياتي
بين الأمل والياس
والله يا أخي انا احترت من حكامنا دول ومن سكوت الشعوب العربية اللي بقى ولا اسدين قصر النيل أصنام بعيد عنك
والناس بتخاف
زي مانت شايف معتقلات وتعذيب وعصيان و اهانة و بهدله مين فينا عاوز يتبهدل بالشكل دة ويبقى واحد من 25 الف مرميين ولا حد يسمع عنهم
طبعا هو لا شك ان الحل في قيام الشعب بقومة رجل واحد احنا 80 مليون يا جدعان بس كلة خايف..... خايف يكون من ال 5% وللا من ال10% اللي حايتمسكوا و يعتقلوا ويتعذبوا عذاب جهنم
____________
الاحوال في تونس ابشع من الجزاير
الجزائر نسبيا مستقرة دينياًو امنياً و ان كانت اقتصاديا بقت زفت وحلم كل جزائري ان يهاجر فرنسا وحلم كل بنت انها تتجوز واحد ياخدها برة البلد
والاقتصاد والتجارة والفلوس في ايدين المسئولين في الحكومة
ولما كنت هناك لقيت ان كل اللي معاهم فلوس بيخافوا يستثمروها لأنة لو البزنس اشتغل معاهم بيتحط عليهم العين و بييجي حد من المسئولين ويحط عينة عليهم و يضربهم في تلفيقات جمارك وتهرب ضريبي و ياخد منهم التجارة او البزنس وسمعت قصص كتير كدة
متهيالي الموضوع دة بيفكرني بحد تاني في بلد تاني برضة ممشيها مصالح هههههههه
اما تونس زي ماقلت في البوست بقت شبة شيوعية علمانية و حالتها دينياً عجيبة فعلا اما اقتصاديا وهي اصلا بلد سياحي جميل اصبح للأسف وضعها حرج جدا و زي ماقلت في البوست بقى فية احياء شغالة في الدعارة رسمياً
والله يا أخي مش عارف احنا رايحين على فين
بحكامنا دول اللي خاربينها
اللهم لا تؤاخذنا بما فعل السفهاء منا
نسيت تزود المغرب و المشاكل اللي عملينها للبلوجرز هناك00و ده عن لسان صديقه بلوجريه مغربيه
lol
كوكو الكميل
يظهر محتاجين نزود كل البلاد العربية
بس انا لا اتحدث إلا فيما اعلمة
شكرا لزيارتك وتعليقك
تحياتي
إرسال تعليق