حبيبتي يا من انتظرتك سنين و قرون
حتى تصادف و تقابلنا في أثنين ميمون
اتيت في لحظة و دق قلبي لك بجنون
واشتعل الحب في قلبي المحروم بمجون
نسيت الدنيا حين التقت العيون
من شوقي اليك وددت الا تنطبق الجفون
حنيني اليك فاق كل الآلام والشجون
الآن افتقدك كما يفتقد المسرح المطربون
رحلت وتركت مسرحي كخشب مدفون
يتوق لعودة صخب الحياة و الفنون
أتساءل هل انتهي بنا المطاف للفراق الملعون
ام سيأتي يوما ويلتقي الراحلون
حتى تصادف و تقابلنا في أثنين ميمون
اتيت في لحظة و دق قلبي لك بجنون
واشتعل الحب في قلبي المحروم بمجون
نسيت الدنيا حين التقت العيون
من شوقي اليك وددت الا تنطبق الجفون
حنيني اليك فاق كل الآلام والشجون
الآن افتقدك كما يفتقد المسرح المطربون
رحلت وتركت مسرحي كخشب مدفون
يتوق لعودة صخب الحياة و الفنون
أتساءل هل انتهي بنا المطاف للفراق الملعون
ام سيأتي يوما ويلتقي الراحلون
هناك 29 تعليقًا:
والله كلامك جميل يا عم حصان...
كل يوم احس اني مكنتش اعرفك في اليوم الي قبليه...
قلبك جميل وحبك صادق.....وانشاء الله لو حبيبك حس بالصدق لي بينبع من كلماتك والله العظيم حيرجع...دا لي قلبو صنم وحيحس بيك ..فما بالك بالانسان الي حبيتيه وحبك وقضيتو حياة مع بعض عالحلوة والمرة...
انشاء الله خير يا حصان...اوعة تيئس ولا تستسلم...اكيد هي حسة بكلامك قوي بس بتكابر....
دا لي ميحسش بحبك دا والله العظيم اعمى القلب والبصيرة....
دا في ناس تتمنا حب ربع الحب دا ومش لقياه....انت انسان جميل قوي يا حصان..بالرغم من الامك وجرحك لس قلبك مليان حب بالشكل دا....دا انت لي زيك قليلين قوي.....هو دا الحب ولا بلاش....
ربنا يقرب البيعيد ويلم شملكو قادر يا كريم....والله كلماتك بتخليني ارجع تاني للعالم بتاعي....ربنا يوفقك يا راااااااااااب
بست رائع وكلماتك كلها احساس ورقة بجد...
انتي يا بنت خفي شوية
خطيبك لو قرأ اللي انتي بتقوليةليا دة حايطلقك بالتلاتة
اما بالنسبة للي في بالك فهو مش صحيح لأنها عمرها ما حتقرا اللي انا باكتبة لأنها ولا تعرف البلوج اصلا ومتهيالي بطلت تخش عالنت ومالهاش في المدونات
ماتفكريش يا سندريللا كتير
انا باكتب الكلام دة لنفسي باعبر عن احاسيس جوايا مش اكتر
ولا هيه حاسة ولا بتكابر ولا يمكن باجي على بالها اصلا
الله اعلم ويمكن كمان تكون اتخطبت
انا ماسمعتش صوتها من اكتر من 6 شهور
والاتصال الوحيد اللي حصل ان مامتها كلمتني اول رمضان تقوللي "كل سنة وانت طيب" لأني كنت بعتلها رسالة وبرغم كدة ماجابتش اي سيرة عنها حتى لما سألتها عنها
وماعتقدش حتى لو لقيتهابتتصل بيا و عاوزة ترجعلي اني ممكن اوافق ولا ابتدي معاها من تاني
اللي سابتني وقت ماهديت حياتي كلها علشانها و قطعت كل صلتها بي علشان باباها مش موافق على جوازنا ماتلزمنيش
اللي اعرفة ان اللي بيحب بيقف جنب اللي بيحبة ومايسيبوش ولا علشان الدنيا كلها
بالذات لو الشخص دة ساب الدنيا كلها علشان خاطرها وهد حياتة علشان يبتدي معاها من جديد
والله عندك حق الي بيحب بجد بيوقف جنب لي بيحبو في القرح قبل الفرح فما بالك وانت حاربت العالم بسببها....
ربنا يوفقك في حياتك ومتخفش هي لي خسرانة وخسرانة كتييييير...
باباها دا عايش حياتو....وهي لي حتخسر في الاخر انها فرطت في حب وانسان بالمواصفات دي ...علشان الحب الجميل دا مابقاش منو كتير....
دي يوم محتحس بفضاعت الي عملتو معاك وفحياتها عموما وتحس بالندم والحنين حتلاقي الوقت فات خلاص....
انت ربنا بيحبك علشان الموضوع جا على قد كدة....وانت انسان طيب وربنا حيلقيلك الناس الطيبة فطريقك ويحققلك كل لي بتحلم بيه ...
انشاء الله عيعوضك خير واحسن مالي فات
انت حاول تعيش حياتك طبيعي وخلي قلبك مليان حب كدة ..حب لي حوليك يمكن تلاقي عزا فحبك دا.....وربنا معاك دايما وعمرو مهيتخلى عنك ابدا...دا هو القادر على كل شيئ
دي لو كانت فعلا قبلت تتخطب لحد تاني بالسرعة دي ...واللهالعظيم متستاهل انك تفكر فيها من اصلو....الي يبيعك مرة انت بيعو مليون مرة....انت قول الف حمد وشكر ليك يا رب علشان قدرت تعرف الانسانة دي على عقيقتها دلوقتي ...وربنا هيعوض عليك...
بتفول علي يا عم حصان...وانا لسة مكملتش يومين...ربنا يسمحك ..انا مش حرد عليك....
بس الي لازم تعرف كويس اني بحب جوزي جدا جدا ويمكن اكتر متتصور ولا ممكن اتصور حياتي من غيرو...وهو كمان بيموت فيا ...وفي بنا تقة وصراحة جامدين جدا... ومفيش حاجة حتقدر تفرق بنا غير الموت ....انت متعرفش احنا حربنا علشان حبنا قد ايه وتعذبنا بسبب رفضي عيلتنا للارتباط دا قد ايه ...بس حبنا علشان صادق ومبني على قناعة قدرنا نصمد ونقاوم لحد منتصرنا في الاخر الحمد لله....كل بفضل ربنا....
يعني حتى لو قرا لي بكتبو حرف حرف ما فيش حاجة حتقصر على حبو ليا علشان احنا مرينا مني لي اقوا من كدة ولمس اخلاصي ليه وقوة حبي وصدقي معاه....دا مافيش حد في الدنيا يعوضني عنو ابدا...
وعلى فكرة انا حكيتلو عنك وعن موضوعك ولي حصل معاك بس مكنتش اعرف التفاصيل دي كلها.....
انا الحمد لله مبخبيش عنو حاجة خالص وكل لي بعملو بقولهولو اول باول وهو كمان ....
سلااااااام
دانتا كلامك بيخليني احب حبيبي اكتر وتمسك بيه اكتر.....
انت عاوز توقع بيبي وبين حبيبي يعني... بس على مييييين
دنا سندريللا ولاجر على الله
كان غيرك اشطر يا حصحيصو
سندريللا المجنونة
مش مهم هي اللي خسرانة وللا كسبانة
المهم ان انا اللي خسرت كل حاجة بسبب حبي ليها
ماكنتش اتوقع ابدا ان ممكن حد يقابل كل التضحيه و الحب دة بالاساءة والنكران و تنسى بسهولة كدة كل شيء
كنت فاكر ان اللي بتحب بتتمسك باللي بتحبة وممكن تواجه ابوها و تقوللة لأ انا باحب دة وعاوزة دة وحاتجوز دة
الغريب انها بتقنع نفسها انها ماغلطتش وانها "ساعدتني ابتدي حياتي من جديد" والله هيه قالت كدة وبتقنع نفسها بكدة
ومن ناحية باباها اللي عايش حياتة على قولك
انا مستغرب انك تقولي كدة من نفسك
بس فعلا هيه دي الحقيقة والغريب انك عرفتيها واستنتجتيها
هوة فعلا عايش حياتة واتجوز على مامتها بدل المرة اتنين
لكن لما يتقدم لبنتة واحد سبق واتجوز وماحصلش نصيب نتيجة انة اساء الاختيار وانفصل وطلق يبقى يرفضة برغم كل الحب اللي بينهم وبرغم انة عريس مناسب ومش متعسر
يعني بيحلل لنفسة ويحرم على غيرة
بس اقولك هوة مش غلطان
لو هوة شاف انها بتحب وتمسكة باللي تحبة للأخر كان لازم في الأخر حايقبل ويغير رأية لانة كان حايشوف بعينة انهم بيحبوا بعض ومتمسكين ببعض
بس بنات اليومين دول بيستسهلوا
المعنى جميل و الاحساس حلو
بس بيتهيألى لو ما ركزتش ع القفايه الكلام هيبقى اقوى كمان
ربنا يوفقك بقى
و عايزين المرة الجاية مع الشعر حاجة حلوة
و لا هتسيبنا جعانين كده
أنا حرة
للأسف ماعادش في حياتي حاجة حلوة
كلها مرة مرارة العلقم
كان بودي اكتب حاجة تسعدكم
بس فعلا ماعنديش الا الأحزان
اشتري صينية بسبوسة وحسابها عندي
كلمات جميلة ومعبره
فية موهبة بس زي ما قالت انا حره متركزش على القافية اوى
الاحاسيس الرقيقة شئ مفتقدينه
واحيانا عدم وجود الحبيب يخلى الواحد يكتب افضل وبمشاعر اقوي زي ما شوفنا بابيات حضرتك
ارق تحياتي لك
تحياتي للزعيمة وشكرا
يا حصان انا عوزة ايميلك لو ممكن....
انت تدخل على المسن بتاعي وتقولي علامة من الاميل بتاعك علشان اقبلو...انا مبقبلشي مسن حد خالص عندي ..
دا بعد اذنك طبعا علشان عوزة اخد رايك في حاجة..لو موافق رد علي عندك هنا اكيييييي...
سلام
في البداية عند تعليقك ليا
مش فهمت تعلقيك وقلت دة داخل يتريئ عليكلامي
بس بعد ما جيت هنا وقريت كلامك والتعليقات
قهمت
وبجد اسفة ان كلامي اثر فيك اوي كدة
واذا مش كان في حياتك شئ يسعدك فيكفيك انك كسبان نفسك من حب زائف انت في غني عن سذاجته
لنا الله
سمراء النيل
شكرا لتشريفك مدونتي المتواضعه
لا طبعا انا مش باتريق ولا حاجة وفعلا
كلامك جميل و أثر فيا جدا
بس انا مش فاهم اية اللي مخلليكي تقولي انة حب زائف ساذج
معقول كل اللي انا كاتبة هنا دة بيقول انة حب ساذج وزائف
وهل العذاب اللي انا فية دة بيقول اني كسبت نفسي من سذاجة هذا الحب الزائف ؟؟؟؟؟
بجد مش فاهمك
تحياتي
كلمات جميلة جدااا
و مشاعر جميلة و حساسة اوى
عندك قدرة كبيرة على التعبير
فانسي
ميرسي ليكي
من بعض ما عندكم
سعدنا بتشريفك لنا و نرجوا دوام التواصل
غريبة قدرتك على انك تكتب فتضحك ثم تكتب فترقرق الدمع فى العيون .. قمة الإبداع
الرقيقة ياسمين
المشاعر البشرية تختلف من وقت للآخر
ومن الطبيعي ان الموود للشخص الواحد يختلف من وقت للآخر ومن يوم لآخر
وهذا من رحمه الخالق سبحانه وتعالى بنا
وإلا كانت حياتنا كلها إما نكد في نكد أو هبل في هبل
شكرا لتشجيعك ,كلماتك الرقيقة مست قلوبنا
تحياتي
انا مش اقصد اللي انت فهمته
من تترك شخص بمشاعرك وتضحياتك وكلامك دة بغض النظر عن سبب ابتعاددها يبقي حبها حب زائف
مش حبك انت اللي زائف
واذا انت حبيتها اوي وهي لم تقدر حبك
فانا اصف حبها بحب ساذج لم يفهم اعماق هذا الحب الطاهر من ناحيتك
انا مش عارفة ايه هي ابعاد الموضوع بس انا حسة بيك
لاني انا بطلة قلوب لا تنبض
حسيت باللي انت مريت بيه
وبعد مرور سنين
اكتشفت سذاجة الحب اللي انا عشته واللي مش كان علي اد مشاعري
اكتشفت قصة الزيف الي اتوهمت انها الواقع اللي بهرب منه
انا مش هزود همك ولا عذابك انا بس حبيت افهمك وجهه نظري واوضحلك كلامي
عفوا يا سمراء النيل يظهر اني فهمت ان قصدك بالتعميم علي وعليها في موضوع الحب الزائف الساذج
والله يا اختي لو تعرفي الحقيقة لاحاتطلبي منها عنوانها علشان تروحي ترزعيها قلمين انتي كمان
ومش بعيد تعملي بوست في مدونتك لتجميع المدونين لتصبح حفلة ضرب جماعي وتلطيش
هم يضحك وهم يبكي
اقولك باختصار انا ضحيتي علشان انهي وضع قديم ومُعلق من سنين علشان اخلص منة واقدر ابتدي معاها من جديد
وبعد ماحققت دة وبرغم تنازلات مادية كتير مني وتضحية بالاستقرار الزائف في وضع مستقر نسبيا
والدها رفض زواجنا لأني كنت متزوج قبلها برغم اني انفصلت لمدة تزيد عن 3 سنين و طلقت علشان اقدر ابتدي حياة جديدة مع الانسانة اللي أحببتها وأحبتني
لكنها لم تستطيع مواجة والدها بأنها تحبني وانها مصرة على اتمام حلم الأرتباط بشريك حياتها اللي اختارة قلبها
وفضلت انهاء القصة بهدوء و هي تقنع نفسها كما قالت انها ساعدتني لأبتديء حياتي من جديد
برغم انني كنت مستعدا لتحمل كافة عواقب الزواج منها برغم تهديد والدها بأنة لن يساندها في هذا الزواج وانة لن يوافق او يباركة
برغم انني كنت مستعدا لتحدي العالم من اجل من احبتتها
ومع العلم انني لم انتظر ولم اكن محتاجا لأي مساندة مادية من والدها في الاساس ومستعد لتحمل كافة المسئوليات والألتوامات التي يفرضها الزواج وبدون اي مساندة او دعم
يعني بالبلدي كدة عريس ميسور وجاهز ومش محتاج من اهلها عفش ولا جهاز بل ومستعد لدفع المهر واي شروط يفرضها والدها المستبد
ووضحت لة ذلك في مقابلتي معه والتي عاملني فيها معاملة لم اتقبلها وأمتلأت بالتجريح والأهانة لا لشيء الا انني اطلب الزواج بمن احببت وعشقت
ولا لسبب الا لأنني كنت متزوجا من قبل
وهوة عندة عقدة من شعور بالخوف ان الله قد يصيب ابنتة بما اصاب بة هو غيرها
حيث انة مقتنع ان كما تدين تدان وانة لابد وانني ساتركها واعود لزوجتي الاولي و تشرب ابنتة من نفس كأس سقاة هو لغيرها من قبل
والنتيجة انني اصبحت وحيدا في دنياي اعيش ولا اعيش ... أعمل ولا أعمل.... انام ولا انام
برغم الصعاب التي تحملتها وهي تعرفها جيدا لكنها لم تكن على استعداد لمساندة ومؤازرة من ضحى بالكثير من اجل ان يجمعهما أمل واحد في حياة جديدة
وفضلت الرحيل ونسيان كل ما كان حتى لا تصبح تلك التي وقفت امام رغبة والدها واصرت على التمسك بمن احبت واجبرت اسرتها على قبول زيجه لما يباركوها لا لشيء الا لنقص في نفسياتهم
فضلت الرحيل و الاستسلام والاذعان بهدوء وانهاء كل ماكان وبرغم كل شيء كي لا تصبح تلك الفتاة التي تمردت على تسلط وتحكم والدها حتى في حقها لاخيار من احبت ليشاركها حياتها
اقسم بالله ان والدتها (وهي تعلم كل ماكان) كانت لتبكي وتتمنى انها لم تعرفني يوما كي لا ترى عذابي الذي لا تتمنى ان تراة لأي من أبنيها
وبرغم كل شيء وكل ماكان فقد قطعت كل اتصال لها بي حتى لتغيير رقم هاتفها بعد ان تكررت محاولاتي للاتصال بها وبعد اصرارها على عدم الرد على ارقامي حتى لكنت اتصل من هواتف الشوارع كي استطيع التحدث اليها
والآن وقد مرت سبعه شهور ومازلت افتقدها وافتقد لحظاتنا سويا ولم ارى اي حنين منها ولا حتى فضول لتعرف كيف تسير الحياة بمن حطمت قلبة وحياتة
وسارت بها الحياة وهي غير مبالية بأي شيء ولا اظن انها حتى لتذكر او تحن حتى للمعرفة
فلا رغبة لي في اي شيء في الدنيا ولا حتى فيمن باعت حبي وحبها من اجل اللا شيء
قصتك ادمتني ايها الحصان البرئ
وادمعتني
فانت تعلم ان الموجوع بالالم يتألم في اليوم الف مرة عضا عن الام غيره
قصتك دي مش قصة فرد دي قصة مجتمع اللي بيبص للراجل المتزوج علي انه منديل كلينكس واجب استخدامه مرة واحدة بغض النظر عن سبب استعماله
ودي قضية مهمة جدا
ولو الناس راعت الاسلام فيها هتتحل
بالنسبة لمعشوقتك الزائفة واسمحلي ان اطلق عليها زائفة
لان اي بنت قادرة علي اقناع اهلها بمن تريده
ولكن نفسيتها ضعيفة حبك كان اكبر واعظم منها
اعظم من ان تواجه وتقف وتحارب
استسلمت بجة تركك لحياتك وما علمت انها تركت وراءها غبار رمال اثر سيرها بحصانك الغضبان
وما ادركت انها تركت وراءه طوق ياسمين خلعته عن عنقها لتتزين بلؤلؤ خداع
انا كنت زيك
لكن الحمد لله اديك قريت عندي ايه اللي حصل
لازم توقف وتثبتلها انك اقوي
انا لما البني ادام الي ارتبطت بيه سابني كنت في الترم الاول من تانية كلية وكنت التالتة علي الدفعه
لكن انا ضعت بعديه مت زي ما كتبت في القصة
اي نعم بقيت العشرة علي الدفه وهو كان سبب تاخيي في الترتيب لكسره ليا
بس اديني اهو
بشوفه لوقتي عادي حتي بعد ما هو خطب وبهزر معاه وكأن شئيا لم يكن
لانه خرج من دايرة حياتي مش هنكر ان جرحه مازال له اثر داخلي
بس الزمن والتجارب كفيلان باننا ننسي
وصدقني خليك مؤمن بانها لم تكن من نصيبك وانك مجرد اسات الاختيار
وانها مش هتكون مناسبة ليك
وخليك مؤمن ان الله سيخلفك خيرا منها واطهر منها
حتي ولو كنت تراحا ملكة الملوك في عينيك
مسير الغمامة دي تتشال وتشوف الموضوع علي حقيقته
اضحك من كتر المك
اعمل زي
اخلق من اللامك نكته تضحك عليها
خليك مؤمن ان فرج ربنا قريب
وصدقني اللي جاي هيبقي اهون بكتير من اللي راح
بس انت قول يارب
عارفة ان التوهان اللي احنا فيه مش سهل وغصب عننا
النطق باسميهم برضه غصب عننا برغم ان اسمهم بيدبحنا لما بنسمعه
بس دي حياتنا ومش بادينا شئ
هي تخلت عنك
وانت كمان اتخل عن ماضيك واخلع الثوب الي انت لابسه
وشيل وراك كل شئ
واتعود انك تكون انت
حصان اسود جامح عارف طريقة وهيمشيه وهيسابق زمانه واحزانه
ولنا الله يا ابني هنعمل ايه بقي
المشكلة انة مش مشكلة اختيار انا اسأتة او احسنتة
انتي عارفة ان الحب مش اختيار
تعرفي كلامك صح المجتمع بيبص للمطلق والمطلقة انهم زي الكلينكس
تعرفي انا كل اللي قلتهولة اذا جائكم من ترضون دينة وخلقة فزوجوة
وهوة بقى عارف الباقي
ألا تفعلوا يصبح ظلما في الأرض وفسادا كبيرا
بس تقولي لمين يا بنتي
دي ناس الغشاوة على قلوبها
وفاكرين انهم يقدروا يقفوا قصاد القدر و إرادة ربنا
وانا قلتها يعني هوة خايف يجوزني بنتة لاطلقها و ارجع للأولي زي ماهوة عمل بدل المرة اتنين
طيب وايش ضمنة انة مايجوزهاش واحد ماتجوزش قبل كدة ويسيبها ويروح يتجوز عليها او يطلقها
ناس فاكرة انها تقدر تمشي الكون على مزاجها
المهم سعدنا بتعليقك و ادمت قلوبنا كلماتك
وزي مابيقولوا احنا في الهوا سوا
هو احنا مش في الهوا سوا بس دة اتلم المتعوس علي خايب الرجا
ههههههههههه معلش بقي اعذرني في التعبير عنن حالنا بالمثل دة
ب اهو كله قدر وكتوب واللي مكتوب لينا هنشوفه
بغض النظر عن نتيجته
ربك بيحبنا وعايز لينا الخير بجد
كلمات جميلة تعبر عن شخص مرهف الحس
الغريب
سمراء النيل
لالالالالالا لو سمحتي حددي مين فينا المتعوس ومين خايب الرجا
__________________________________
الغريب
شكرا لتشريفكم مدونتنا المتواضعه
كلماتكم اثلجت صدورنا ومن بعض ما عندكم
تحياتي لكم جميعا
يا سيدي مش فارقة مين المتعوس ومين خايب الرجا احنا الاتنين متئندلين في مشاعرنا
بقولك ايه خليني ساكتة احسن
وعامة سايبالك انت التحديد تختار اه
انت المتعوس ولا خايب الرجا
ههههههههههههه
رائعة بس بلاش السواد ده. الدنيا ما بتقفش عند نهاية قصة حب مهما كانت.خلي عندك امل في بكرة و ربنا يكرمك و اللي باعك بيعه.
اولا احيك على قوة المعنى والاحساس معا
ثانيا ربما سيأتى يوما ويلتقى الراحلون
بس الله اعلم هيكون كل واحد الدنيا ودته فين وبقى عامل ايه
اتمنالك السعادة مع من تستحقك
تحياااااااتى
أيه
مش عارف ,يمكن كلامك صحيح
بس اللي بيحب حب حقيقي بيبقى مش شايف غير اللي بيحبها
وبتبقى الدنيا وقفت عندها
والله باحاول أبيعها وأنساها من 6 شهور و 22 يوم ومش عارف
عندك وصفة للنسيان غير الخمر والمخدرات
تحياتي
__________________________________
موج البحر
فعلا دة اللي انا دايماً بافكر فية
تفتكري مسلسل كان بييجي زمان من عشرين سنة اسمة "اللقاء الثاني" بطولة سعاد حسني وأحمد ذكي
ياترى لو قابلتها بعد 10 او 15 سنة حايكون اية حاللي وحاللها ساعتها
الله اعلم
تحياتي
معلش
بس أحب اقول انى كنت مكانها فى يوم من اليام .. وضحيت و وقفت قصاد الكون كله عشان ابقى مع راجل حبنى وحبيته .. عشق الخيال .. كانت حايتنا حكاية بتحكى عنها الناس .. و وقفت قصاد أهلى والمجتمع .. واتجوزنا وعشنا سنين عسل طويلة .. ثم استيقظت فجاة لأجد نفسى فى وضع زوجته الأولى .. و وجدته يعيش قصة جديدة مع واحدة جديدة .. وبعد سنين الغرام والعشق والعسل التى ظننتها لن تنتهى .. اتعمل فية فعلا اللى عملته فى غيرى
باباها عنده حق .. وياريتنى سمعت كلام أهلى .. ما كنتش دلوقتى مهملة .. وحيدة .. مع طفلتين لم تبلغا سن المدرسة ..
للسف هو دة السيناريو اللى كان هيحصل لو اتجوزتها
هى أعقل منى انها سمعت كلام أبوها
ياسمين
واية اللي انتي عملتية في غيرك ؟؟
بس خللي بالك الوضع معي معكوس
والدها هوة اللي خايف ان اللي هوة ماشي بية في حياتة يترد لة في بنتة
برغم انة ممكن يتردلة فيها من واحد ماسبقش واتجوز قبلها
مش مهم انة يتجوز قبلها .... المهم انهة مايتجوزش بعدها
وعاوز اقولك ان مش معنى انة اتجوز عليكي ان كل الرجالة حاتتجوز علي زوجاتها
تصرف رجل واحد مش مقياس وماتحكميش عالكل بجرمة
تحياتي
إرسال تعليق